هل اللغة القبطية لغة مقدسة ام لا
بالطبع نعم انها لغة مقدسة جداااااا
بل الاكثر من هذا ان تلك اللغة هي التي سوف نتكلم بها في السماء تماما كما نتكلم شبها في القداس الالهي
عشان كدة ياريت الاعضاء اللي مش عارفين لغة قبطية يلحقوا يتعلموها لحسن فوق مفيش دروس تقوية ولا كورسات
اوعي حد يكون صدق الكلام ده وعلي فكرة ده مش كلامي ده كلام احد المدعوين بخدام لكنهم للاسف لايستحقوا تلك الكلمة وياريت محدش يتهمني بالادانة لان مش كل واحد يذكر بعض السلبيات اللي موجودة عند اخرين بغرض الاصلاح يتقال عليه بيدين غيره
المهم انا طيب معارض هذا الفكر بشدة طب ليه ببساطة عشان اللغة القبطية مالهاش اي علاقة بالديانة المسيحية لا من قريب ولا من بعيد الله امال احنا ليه بنصلي بيها في القداس
احنا بنصلي بيها في اللقداس عشان احنا مصريين بس عشان مصريين مش عشان مسيحين يبقي اللغة دي خاصة بمين بالمصريين المسيحيين فقط طب والالمان والامريكان مش هيخشوا الملكوت عشان مش عارفين لغة قبطية طبعا اللي يقول كدة يبقي اكيد فكره متخلف وكلمة متخلف دي مش شتيمة دي وصف لان كلمة التخلف بتطلق علي الفكر الذي يتخلف العصر او الافكار
طب هل دي دعوة مني اننا نلغي اللغة القبطية لا ىطبعا انا مقلتش ومش هقول كدة عشان احنا متمسكين بيها كاثر من اثار اجدادنا لكن اللي مش فاهمها واللي مبيصليش بيها مش هيتحاسب علي كدة
لكن اعتقد ان اللي بيصلي بيها وهو مش فاهم الكلام اللي هو بيقوله يبقي في الوقت ده بيضحك علي نفسه وبيقول انا بصلي
هو انهي الاحسن ان ابونا يصلي القداس كله باللغة القبطية ومحدش يفهم حاجة ولا انه يصلي بالعربي وبرده ربنا يسمعه بس الناس تفهم وتشاركه
ياريت اشوف اجابة ورد علي الموضوع واللي عنده راي مخالف ياريت يطرحه ونناقشه مع بعض عشان كلنا نستفاد
موضوع: اللغة القدسية ومدي قدسيتها 
الإثنين سبتمبر 08, 2008 10:29 pm
