قد أيه من عمري قبلك
راح وعدي يا حبيبي.
قد أيه من عمري قبلك لم أكن مستعد لأي شيء
حتى في التجربة لم أرهق الشيطان ما أنا جاهز
ومن داخلي تعبان . كهف مظلم محل للشيطان والحية . قد أية من عمري قبلك كنت تاية وأخذت مالي ما أنا مهاجر . أخذت نصيبي ما أنا مسافر . قد أية من عمري قبلك كنت أشتهي الخرنوب مع الخنازير . قد أية من عمري قبلك . عند البير كنت عطشان وكل ما أشرب أرجع عطشان . قد أية من عمري قبلك جالس عند البركة محتاج حد يمد ايدة ويساعدني . ما أنا عاجز وعن طريقك مشلول . قد أية من عمري قبلك أسأل فين طريقك فين يمشوا له منين ما أنا كفيف . قد أية من عمري قبلك عاوز ملك لابس تاج ولو شلت لة سعف النخل . قد أية من عمري قبلك حلفت ولعنت وكذبت قبل صياح الديك . قد أية من عمري قبلك راح وعدي يا حبيبي ما يتحسبش من عمري . عمري ابتدى بيك لما جيت وعلي الصليب شفيت أمراض نفسي وروحي . عمري. ابتديت أعدة لما دست الموت علشان أعيش . لما زحزحت حجر قلبي فشاف نور قيامتك . عمري أبتدي لما حطيت أيدي مكان المسمار ولمست مكان الحربة . عمري أبتدي يا حبيبي لما رجعت من زمن الغربة . لما اغتسلت في بركة سلوام . عمري أبتدي لما رفعتني من الأرض لعلو الصليب . من الأرض للفردوس مع اللص اليمين .
عمري أبتدي لما قلت المسيح هو الفادي الأمين
موضوع: قد آيه من عمري قبلك يا حبيبي 
الأربعاء يوليو 30, 2008 1:26 pm
